97 ടൈറ്റാനിയം HD ആൻഡ്രോയിഡ് ടാബ്ലെറ്റുമായി ആർക്കോസ്

97 ടൈറ്റാനിയം HD ആൻഡ്രോയിഡ് ടാബ്ലെറ്റുമായി ആർക്കോസ്

ഫ്രഞ്ച് കൺസ്യൂമർ ഇലക്ട്രോണിക്സ് കമ്പനിയായ ആർക്കോസ് അവതരിപ്പിക്കുന്ന ഏറ്റവും പുതിയ ടാബ്ലെറ്റാണ് 97 ടൈറ്റാനിയം എച്ച്.ഡി. ടാബ്ലെറ്റ്. 2048x1536 റെസലൂഷനുള്ള 9.7 ഇഞ്ച് IPS മൾട്ടിടച്ച് ഡിസ്പ്ലേയുമായെത്തുന്ന ഈ ടാബ്ലെറ്റ് ആപ്പിൾ ഐപാഡിനോട് കിടപിടിക്കുന്നതിനുള്ള ശ്രമത്തിലാണ്. വലിപ്പത്തിലും, റെറ്റിന ഡിസ്പ്ലേയിലും ആപ്പിൾ ഐപാഡിനോട് സമാനത കാണിക്കുന്നുവെങ്കിലും ആന്തരികമായി വ്യത്യസ്തമായ ഹാർഡ്വെയർ സവിശേഷതകളാണിവയ്ക്കുള്ളത്. 1.6GHz ഡ്യൂവൽ -കോർ A9 പ്രോസസ്സർ, ARM Mali 400 ഗ്രാഫിക്സ്, 1GB റാം, 8GB ഇന്റേണൽ മെമ്മറി, 64GB വരെ മൈക്രോ എസ്.ഡി. കാർഡ് പിന്തുണ, 5 മെഗാപിക്സൽ റിയർ ക്യാമറ, 2MP ഫ്രണ്ട് ഫെയ്സിംഗ് ക്യാമറ എന്നിങ്ങനെ ഹാർഡ്വെയർ സവിശേഷതകളുള്ള ടാബ്ലെറ്റ് പ്രവർത്തിക്കുന്നത് ആൻഡ്രോയിഡ് 4.1 ജെല്ലിബീൻ ഒ.എസിലാണ്. 240mm x 184mm x 9mm ഡയമെൻഷനിലുള്ള ഉപകരണത്തിന്റെ ഭാരം 1.4 പൗണ്ട് (640ഗ്രാം) മാത്രമാണ്.