എരിശ്ശേരി
സദ്യകളിൽ കേമനാണ് എരിശ്ശേരി. ഇന്ന് നമ്മൾ ഉണ്ടാക്കാൻ പഠിക്കുന്നത് എരിശ്ശേരി ആണ്. ഈ കിടിലൻ ഐറ്റം എങ്ങിനെ ആണ് ഉണ്ടാക്കുക എന്ന് നമുക്ക് നോക്കാം.
ആവശ്യമായ സാധനങ്ങൾ
ചേന - അരക്കിലോ
നേന്ത്രക്കായ - 5
മഞ്ഞൾപൊടി - ഒന്നര ചെറിയ സ്പൂൺ
കുരുമുളകുപൊടി - രണ്ടു ചെറിയ സ്പൂൺ
വെളിച്ചെണ്ണ - 150 ഗ്രാം
ഉപ്പ് - പാകത്തിന്
തേങ്ങ - രണ്ട്, ചുരണ്ടിയത്
ജീരകം - ഒരു ചെറിയ സ്പൂൺ
നെയ്യ് - 100 ഗ്രാം
ജീരകം - ഒരു ചെറിയ സ്പൂൺ
കറിവേപ്പില - 150 ഗ്രാം
ഇനി എങ്ങനെയാണ് എരിശ്ശേരി ഉണ്ടാക്കുക എന്ന് നോക്കാം
ചേനയും കായയും ചെറിയ കഷ്ണങ്ങളാക്കി മഞ്ഞൾ പൊടിയും കുരുമുളക് പൊടിയും വെളിച്ചെണ്ണയും പാകത്തിന് ഉപ്പും ചേർത്ത് വേവിക്കുക.
ഒരു തേങ്ങയുടെ പകുതി ചുരണ്ടി അതിൽ ജീരകം ചേർത്ത് അരച്ച് വേവിച്ച കൂട്ടിൽ ചേർത്തിളക്കണം.
നെയ്യ് ചൂടാക്കി ബാക്കി തേങ്ങ ചുരണ്ടിയതും ജീരകവും കറിവേപ്പിലയും ചേർത്ത് ചുവക്കെ വറുത്ത് കറിയിൽ ചേർക്കുക
