വളരെ എളുപ്പത്തിൽ തയ്യാറാകണം കഴിയുന്ന ഒന്നാണ് തക്കാളി ചട്ടിണി. ദോശയുടെയും ഇഡ്ഡലി യുടെയും കൂടെയൊക്കെ കൂട്ടാൻ കഴിയുന്ന നല്ലൊരു ചട്ടിണി ആണിത്. ഇത് എങ്ങനെ തയ്യാറാക്കുന്നു എന്ന് നോക്കാം.
ആവശ്യമായ സാധനങ്ങൾ
- വെളിച്ചെണ്ണ: 3 ടേബിൾ സ്പൂൺ
- വെളുത്തുള്ളി: 4 എണ്ണം
- പച്ചമുളക്: 2 എണ്ണം
- സവാള: 1
- തക്കാളി: 2 എണ്ണം
- കായപ്പൊടി: 1/4 ടീസ്പൂൺ
- കാശ്മീരി മുളകുപൊടി: 1 ടേബിൾസ്പൂൺ
- വെള്ളം: 4 ടേബിൾസ്പൂൺ
- കടുക്: 1/2 ടീസ്പൂൺ
- ഉഴുന്ന്: 1 ടീസ്പൂൺ
- ഉണക്കമുളക്: 2 എണ്ണം
- കറിവേപ്പില: 1 springs
- ഉപ്പ്: ആവശ്യത്തിന്
തയ്യാറാക്കുന്ന വിധം
- ഒരു പാൻ ചൂടാക്കി അതിലേക്ക് എണ്ണ ഒഴിക്കുക.
- എണ്ണ നന്നായി ചൂടായി കഴിയുമ്പോൾ വെളുത്തുള്ളി അരിഞ്ഞതും പച്ചമുളക് അരിഞ്ഞതും ചേർക്കുക.
- വെളുത്തുള്ളിയും പച്ചമുളകും ഒന്ന് മൂത്ത് വരുമ്പോൾ, സവോള ചെറുതായി അരിഞ്ഞതും തക്കാളി അരിഞ്ഞതും ഇതിലേക്ക് ചേർത്ത് ഇളക്കുക.
- ഇതിലേക്ക് ആവശ്യത്തിന് ഉപ്പും ചേർത്ത് ഇടക്ക് ഇടക്ക് ഇളക്കി വേവിക്കുക.
- വെന്തുവരുമ്പോൾ കായപ്പൊടിയും കാശ്മ്മീരി മുളകുപൊടിയും ചേർത്ത് അതിന്റെ പച്ചമണം ഒന്ന് മാറുന്നത് വരെ ഇളക്കുക.
- അതിനുശേഷം തീ കെടുത്തി, അത് ഒന്ന് തണുക്കാൻ വെക്കുക
- തണുത്ത് കഴിയുമ്പോൾ അത് അരച്ചെടുക്കുക. അരക്കുമ്പോൾ കുറച്ചു വെള്ളം കൂടെ ചേർക്കുക.
- അതിനുശേഷം അരച്ചെടുത്ത ചട്നിയിൽ കടുക് താളിക്കാൻ വേണ്ടി ഒരു പാനിൽ എണ്ണ ഒഴിച്ച് ചൂടാക്കി അതിലേക്ക് കടുക് ചേർക്കുക. കടുക് പൊട്ടി കഴിയുമ്പോൾ ഉഴുന്ന് ചേർക്കുക.
- അതിനുശേഷം ഉണക്കമുളകും കറിവേപ്പിലയും ചേർക്കുക. ഇത് മൂത്ത് കഴിയുമ്പോൾ ഇതിലേക്കു അരച്ച് വെച്ച ചട്നി ഒഴിച്ച് യോജിപ്പിക്കുക.
- എല്ലാം യോജിപ്പിച്ച ശേഷം വിളമ്പാവുന്നതാണ്.
