പാലട പ്രഥമൻ | How To Make Palada Pradaman

അൽപം മധുരം ആകാം അല്ലെ. കലക്കൻ പാലട പ്രഥമൻ ഉണ്ടാക്കാം
 

പിറന്നാൾ സദ്യകൾക്കും ആഘോഷങ്ങൾക്കും ഏറ്റവും പ്രധാനപ്പെട്ട ഒരു വിഭവമാണ് പാലടപ്രഥമൻ. പലരും റെഡിമെയ്ഡ് കിറ്റ് വാങ്ങി ആയിരിക്കും പാലടപ്രഥമൻ ഉണ്ടാക്കുന്നത്. എന്നാൽ നമുക്ക് അട ഉണ്ടാക്കി അതുപയോഗിച്ച് പാലട ഉണ്ടാക്കി നോക്കാം. ശുദ്ധമായ സ്വാദിഷ്ടമായ പാലട പ്രഥമൻ ഉണ്ടാക്കാം. ആഘോഷങ്ങളിൽ താരമാകാം.

ആവശ്യമുള്ള സാധനങ്ങൾ
  1. ഉണക്കലരി - മുക്കാൽ കിലോ
  2. വെളിച്ചെണ്ണ - കാൽ കിലോ
  3. പഞ്ചസാര - കാൽ കിലോ
  4. പാൽ - നാലു ലിറ്റർ
  5. പഞ്ചസാര - ഒരു കിലോ

ഇനി പാലടപ്രഥമൻ ഉണ്ടാക്കുന്നത് എങ്ങിനെ ആണെന്ന് നോക്കാം

  • അരി പൊടിച്ച്, വെളിച്ചെണ്ണയും പഞ്ചാസാരയും (2 ഉം 3 ഉം ചേരുവകൾ) പാകത്തിന് വെള്ളവും ചേർത്തു കലക്കി വാഴയിലക്കീറുകളിൽ തൂവി ചുരുട്ടിക്കെട്ടി തിളയ്ക്കുന്ന വെള്ളത്തിലിട്ടു വേവിക്കണം
  • പിന്നീട് അട നന്നായി ചൂടാറിയ ശേഷം ഇലയിൽ നിന്ന് അടർത്തി അടപ്പലകയിൽ വെച്ച് അമർത്തി ചെറിയ കഷണങ്ങളാക്കിയെടുക്കണം. ഇതു നന്നായി കഴുകിയെടുക്കണം
  • പാലിൽ ഒരു ലിറ്റർ വെള്ളം ചേർത്തിളക്കി തിളപ്പിക്കുക. തിളച്ച ശേഷം പഞ്ചസാര ചേർത്തു തുടരെയിളക്കി കൊണ്ടു തിളപ്പിച്ചു വറ്റിക്കണം
  • ഇളം ചുവപ്പ് നിറമാകുമ്പോൾ അടയും ചേർത്തിളക്കി യോജിപ്പിച്ചു വാങ്ങുക

പലടയ്ക്കുള്ള അട തിളയ്ക്കാൻ വയ്ക്കുമ്പോൾ വാഴയിലയുടെ നിറം മാറി, വെള്ളത്തിൽ താഴ്ന്ന് പോകുന്നതാണു പാകം.

ഒരു അഭിപ്രായം പോസ്റ്റ് ചെയ്യൂ

0 അഭിപ്രായങ്ങള്‍